Alesontia_Bierzirkel.jpg
ACEL.png

Mir, d’Membere vun der Alesontia, schwätzen iwwert alles wat eis esou afält. Wann mol Problemer am Studium sinn, hëllefe mir eis géigesäiteg weider a maachen och soss alles dofir, fir eis d’Liewen nieft dem deelweis ustrengende Studium ze verséissen. Sou treffe mir eis méi oder wéineger oft an engem Café oder ginn d’Bonner Basketsequipe op Matcher ënnerstëtzen. Am Summer gëtt natierlech och déi eng oder aner Kéier zesumme gegrillt.

Op den nationale Studentebaler si mir praktesch ëmmer präsent a mir versichen och all Joer op der Studentefoire ee Stand zesumme mat der Uni Bonn z’organiséieren.

Natierlech si mir och Member bei der ACEL, der lëtzebuergescher Studentevertriedung. D’Association des Cercles d’Étudiants Luxembourgeois (ACEL) vertrëtt haut iwwer 40 Studentencercelen, déi duerch ganz Europa an Nordamerika verdeelt sinn. Dëst mécht d’ACEL zum Representant vu méi wéi 10.000 Studenten an ass domadder de gréissten a wichtegste Studentevertrieder zu Lëtzebuerg. Méi Informatiounen dozou fannt der hei.